ఆచూకీ తెలిసింది - 176

దోబూచులాటలు, గోపికలు ఆడేరు ;

వ్రేపల్లెలోని ఆబాలగోపాల -

క్రీడలలొ మేటిదనమిప్పుడు చూడండి ; ||

మునుముందు ఉన్నాడు కన్నయ్య ;

వెనుక నిలిచున్నాది నాట్యాల నెమలి -

రాధమ్మ కేమియూ పాలుపోవుట లేదు ; ||

మల్లెపూపొదలలో నక్కి కూర్చొనె రాధ ;

తన నవ్వు తావుల - మల్లెలు దోగాడుచున్నవి ;

మల్లికలు రాధికకు మంచి స్నేహితులు ;

అవి - ముగ్ధ రాధిక గుట్టు - చక్కగా దాచేను ; ||

క్రిష్ణుని మిత్రూల కూటమి ఇట ఉంది ;

ఆటల మయూరి, తేటవెన్నెల రేడు - 

                         అల చందమామయ్య ;

సైగలు చేయుచూ - నీలాల క్రిష్ణునికి -

               ఆచూకి చూపుతున్నాయి ; ||

"ఇందువదన, రాధ! దోబూచులేల!?

నీ ముందు ఇప్పుడే మోకరిల్లుచుంటి,

చంటిబాలుని, నన్ను ఇరుకున పెడుదువా!!?"

మాటల మేటలు వేసేను క్రిష్ణుడు,

గాన వంశీధారి -వాక్ నిపుణ వైభవము -

                         తెలియనిది ఎవరికని!?

నక్కి నక్కి ఉన్న గోపికలు నవ్వేరు ;

పొంచి దాగున్నట్టి రాధిక - 

         వెలుపలికి రాకుండ ఎటులుండగలదు!?

============================ ,

dObUculATalu, gOpikalu ADEru ;

wrEpallelOni aabaalagOpaala -

krIDalalo mETidanamippuDu cUDamDi ; ||

munumumdu unnaaDu kannayya ;

wenuka nilicunnaadi nATyaala nemali -

raadhamma kEmiyuu paalupOwuTa lEdu ; ||

mallepuupodalalO nakki kuurcone raadha ;

tana nawwu taawula - mallelu dOgADucunnawi ;

mallikalu raadhikaku mamci snEhitulu ;

awi - mugdha raadhika guTTu - cakkagaa daacEnu ; ||

krishNuni mitruala kUTami iTa umdi ;

ATala mayuuri, tETawennela rEDu - ala camdamaamayya ;

saigalu cEyucU - neelaala krishNuniki aacuuki cUputunnAyi ; ||

"imduwadana, raadha! dObUculEla!?

nee mumdu ippuDE mOkarillucumTi,

camTibaaluni, nannu irukuna peDuduwA!!?"

mATala mETalu wEsEnu krishNuDu,

gaana wamSIdhaari -waak nipuNa waibhawamu teliyanidi ewarikani!?

nakki nakki unna gOpikalu nawwEru ;

pomci daagunnaTTi raadhika - welupaliki raakumDa eTulumDagaladu!? 

======================= ; 

  &    శ్రీకృష్ణ లీలలు - గానసుధలు -176  =  &  శోభకృత్ రాధాకృష్ణ గీతాలు  ;