జైలు శోభలు - 174

అలి నీలకుంతలుడు, కౌస్తుభమణిధారి,

శ్యామలవర్ణుడు,

చెరసాలలో ప్రభలు నింపినాడమ్మా! ; ||

దేవకి ఒడి నేడు, కనకమణి కోవెల ;

మేదినిని చీకటియు - వెన్నెలే ఆయెను ;

రేపల్లెకు దారి ఎటు వెళ్ళవలెనో,

మింటి నక్షత్రములు,

కనుల మిణుకుల శోభ -

వెదజల్లి చూపేను ; ||

ఉజ్జ్వల శ్రీనీలజలదసదృశుడు ;

సజ్జన దాక్షిణ్య రక్షణవ్రతుడితడు ;

కజ్జలపు నీటిలో - విడు పాయలను జేసి,

పూ-సజ్జలా - జలబాట నేర్పుగా నేర్పరచి -

ముజ్జగముల మెప్పు బడయవమ్మా యమున! ||

గంపలో పాపడు, శ్రీకృష్ణదేవుడు -

వసుదేవునికి ఇంక

ఎందులకు భయము, సందేహము,

యమున ఝరి మెత్తంగ దారి నిచ్చేను;

నిశ్చింత నడకలు - ఆ, తండ్రి వసుదేవునివి ;

ఆశ్చర్యమేముంది, ఇది -

క్రొత్త యుగ కల్పనా కల్పమునకు శ్రీకారము ; ||

======================= ====== ,

jalulO SOBalu - 174 ;-

alineelakumtaluDu, kaustubhamaNidhaari,

SyaamalawarNuDu,

cerasaalalO prabhalu nimpinADammA! ; ||

dEwaki oDi nEDu, kanakamaNi kOwela ;

mEdinini ceekaTiyu - wennelE Ayenu ;

rEpalleku daari eTu weLLawalenO,

mimTi nakshatramulu,

kanula miNukula SOBa -

wedajalli cuupEnu ; ||

ujjwala SrIneelajaladasadRSuDu ;

sajjana daakshiNya rakshaNawratuDitaDu ;

kajjalapu neeTilO - wiDu paayalanu jEsi,

puu-sajjalaa - jalabATa nErpugaa nErparaci -

mujjagamula meppu baDayawammaa yamuna! ||

gampalO pApaDu, SreekRshNadEwuDu -

wasudEwuniki imka

emdulaku bhayamu, samdEhamu,

yamuna jhari mettamga daari niccEnu;

niScimta naDakalu aa - tamDri wasudEwuniwi ;

AScaryamEmumdi, idi -

krotta yuga kalpanaa kalpamunaku Sreekaaramu ; || 

&

జైలు శోభలు - 174 = ఝరి బాట పూల సజ్జ - దారి ;- 174 ;,