కయ్యాలమారి కన్నయ్య - 157

కయ్యాలు పెట్టుటలో బహు మేటి కన్నయ్య ;

               తయ్యారు ఔతాడు, 

ప్రతి నిముషము, ప్రతి క్షణము ; ||

"నీలాదేవీ! - నీకు చెప్పకుండ -

నీళ్ళ కడవ తోటి, 'జమున' -

మన ఊరి కాళిందీ నది వద్దకు -

వెళ్ళింది ఇప్పుడే! ఇదేనా - మైత్రి విలువ?"

అంటూను కొండేలు చెప్పుతాడు 

          ఒకరి మీద ఒకరికి ; ||

కాళిందీ నది కాడ చేరి,

"మీ నేస్తం -

       మధురకు వెళ్ళెను పాలకుండలతో"

చాడీలు చెబుతాడు వీడు - 

          తంటాలమారివాడు ; ||

జవరాలు రాధ కడకు - చేరుతాడు కట్టకడ -

వెన్నదొంగ గోవిందుని గుణములెల్ల -

ఔపోసన పట్టినట్టి ప్రేమిక - మన రాధిక -

ఓ పట్టాన - నమ్మునా!?

నవనీతచోరుని - నందబాలు లీలలివి ;

నమ్మదులే, ఒక పట్టున ;

పెదవి మేలిముసుగులందు

తొణికించును చిరునగవులు ; ||

===================== ,

kayyaalamaari kannayya - 157 ;- 

kayyaalu peTTuTalO bahu mETi kannayya ;

             tayyaaru autADu, 

prati nimushamu, prati kshaNamu ; ||

"neelaadEwii! - neeku ceppakumDa -

nILLa kaDawa tOTi, jamuna -

mana uuri kALimdee nadi waddaku -

weLLimdi ippuDE! idEnaa - maitri wiluwa?"

amTuunu komDElu cepputaaDu 

          okari meeda okariki ; ||

kALimdee nadi kADa cEri,

"mee nEstam - 

         madhuraku weLLenu paalakumDalatO"

cADIlu cebutADu wIDu - tamTAlamaariwADu ; ||

jawaraalu raadha kaDaku - 

           cErutADu kaTTakaDa -

wennadomga gOwimduni guNamulella -

aupOsana paTTinaTTi prEmika - 

    mana raadhika -

O paTTAna - nammunaa!?

nawaneetacOruni - namdabaalu leelaliwi ;

nammadulE, oka paTTuna ;

pedawi mElimusugulamdu

toNikimcunu cirunagawulu ; ||

&  శోభకృత్ రాధాకృష్ణ గీతాలు 2024 ;  God krishna song- 157 ;