గుబురు ఆకులు-99

 స్వాగతం, వసంతమా! సుస్వాగతం ఆమనీ! : ||  

ఈ కడిమి తరువు - పచ్చని శాఖలు - గుబురుగా ఉన్నవి ; 

ఆకు పచ్చని ఆకులు, గుబులెత్తిస్తు ఉన్నవి ; ||

కొమ్మలకు నేడు, దోబూచి నేర్పును - బాలకృష్ణమ్మ ;

మన గోపాలకృష్ణమ్మ -

క్రిష్ణయ్య ఎక్కెను - తరుశాఖలు ;

క్రిష్ణ పదస్పర్శతో పులకించు పాదపము ;

తవ చరణ - అంటూను - శిష్యరికము గైకొనును ; 

కదంబ వృక్షమ్ము - శిష్య అయ్యేను ; ||  

గుబురు ఆకుల నడుమ - క్రిష్ణ పద పద్మములు ; 

పత్ర తోరణమాల లల్లదే, సంబరం ;; 

ఎందులకు ఈ ముదము, ఈ మోదము !? 

ఎందులకు ఈ అలవి మాలిన సంతసం, ఈ తరువు శోభిల్లు ; || 

చెట్టు క్రీనీడల మడుగులో సందడులును ; 

స్నానాలు, పానాలు జవ్వనులవి ; 

జల అద్దములకు - లక్ష రెట్లుగ సొగసు లద్దుచున్నారు ; || 

ఆకుపచ్చని కొమ్మలందున - అల్లదే - నీలమణి ఉన్నది ; 

పగడాల పెదవుల మురళి ఇంపొందించు - 

తరళ రాగమ్ముల - తారళ్య సొబగులు ; 

ఎన్నెన్ని పుణ్యాలు చేసెనో, ఈ వనము, 

క్రిష్ణ గాధల మధుర కాంతులను - 

తన పురి నిండ నింపుకుని, ఇదిగిదిగో .... ,  

ఉరికురికి సాగేను, వయ్యారి నెమలి ; 

కమ్మని దృశ్యాల - నా హృదయసీమలు కూడ - 

విప్పిన పింఛమ్ము అయ్యేను - 

హాయి  -  హాయి హాయిగా - బదులిస్తు ఆమని వెలిసింది ; 

స్వాగతం, వసంతమా! సుస్వాగతం ఆమనీ! : || 

 ==================================  ;  

swaagatam, wasamtamA! suswaagatam aamanI! : ||  

ee kaDimi taruwu - paccani SAKalu - guburugaa unnawi ; 

aaku paccani Akulu, gubulettistu unnawi ; || 

kommalaku nEDu, dObUci nErpunu - baalakRshNamma ;

mana gOpaalakRshNamma -

krishNayya ekkenu - taruSAKalu ;

krishNa padasparSatO pulakimcu paadapamu ;

tawa caraNa - amTUnu - Sishyarikamu gaikonunu ; 

kadamba wRkshammu - Sishya ayyEnu ; ||  

guburu aakula naDuma - krishNa pada padmamulu ; 

patra tOraNamAla lalladE, sambaram ;; 

emdulaku ee mudamu, I mOdamu !? 

emdulaku ee alawi maalina samtasam, ee taruwu SOBillu ; || 

ceTTu krInIDala maDugulO samdaDulunu ; 

snaanaalu, paanaalu jawwanulawi ; 

jala addamulaku - laksha reTluga sogasu ladducunnaaru ; || 

aakupaccani kommalamduna - alladE - neelamaNi unnadi ; 

pagaDAla pedawula muraLi impomdimcu - 

taraLa raagammula - taaraLya sobagulu ; 

ennenni puNyaalu cEsenO, ee wanamu, 

krishNa gaadhala madhura kaamtulanu - 

tana puri nimDa nimpukuni, idigidigO .... ,  

urikuriki saagEnu, wayyaari nemali ; 

kammani dRSyaala - naa hRdayaseemalu kUDa - 

wippina pimCammu ayyEnu - 

haayi  -  haayi haayigaa - badulistu aamani welisimdi ; 

swaagatam, wasamtamA! suswaagatam aamanI! : || 

రచయి3=కుసుమ, శుభకృత్ సుమ గీత మాలిక - 99 ;