రేయి భాగ్యమె భాగ్యము-97

రేయి భాగ్యమె భాగ్యము - ఎంచగలమా, కొలువగలమా ; ||

చుక్కలను పిలిచేను రేయి - చాకచక్యముగా -

చక్కని చుక్క పందిరి వేస్తూన్నది ;

జగతి రమ్యత రూపు ఆయెను ; ||

రాసక్రీడల వేళ ఆయెను ; ఓయిలాలా -

ఈ రేయి, నిండు హొయలుల నిధిగ మారెను ;

హొయలు నిధులుగ మారిపోయెను, హోయిలాలా ; ||

మోహ గీతావళిగ విరిసేను - రాగ మోహనమాయెను -

విశ్వమంతా - మోహనమ్మై రాగమాయెను ;

రేయి కూడ చెలియ ఆయెను - నిన్ను చేరి - 

క్రిష్ణస్వామీ, నా బంగారు స్వామీ ; ||

హాయి మాయగ అలుముకొనగా - నీదు సన్నిధిలోన క్రిష్ణా -

రేయి నీకు రాగసఖియై, నేడు రాధమ్మ నిటుల బులిపించసాగెను ;

||రేయి భాగ్యమె సౌభాగ్యము ; || 

&

రేయి భాగ్యమె భాగ్యము-97 ; రచయి3=కుసుమ, శుభకృత్ సుమ గీత మాలిక - 97 ;