అగణితమ్ములు నీదు లీలలు, హేలలు ;
అగణితములైనట్టి ప్రాణి కోట్లను, స్వామి ;
బ్రోచు భారము నీపైన దాల్చినావోయి ; ||
అలనాడు పాల్కడలి చేరావు,
ఆది కచ్ఛపి మూర్తి రూపమ్ము ధరియించి ;
అంత బరువైన మందరం గిరిని అలవోకగా -
ఓరిమికి రూపమయి, నీ వీపుపై నిలిపావు ; ||
సూదంటి కోరపయి నిలిపి -
వేదముల, విద్యలను - కాపాడినావు ;
ఆదిసూకర మూర్తి, అవతారమూర్తీ!
విద్యంటె నీకు ఎంత మక్కువ స్వామి ;
విద్యలను లోకముల కందించినావు
ఈరేడు లోకములకు అందించినావు ; ||
కామదేవుని జనక, భక్తజన రక్షకా!
కంటిరెప్పకు మల్లె లోకముల బ్రోచేవు ;
ఉద్ధరించుట - నీకు- మంచి విధి అయ్యేను, లెస్స లెస్స ; ||
పది మాత్రమే మాకు తెలిసిన రూపములు ;
యుగయుగాలుగాను ఎన్నెన్ని - అవతారములు దాల్చి,
అవధి లేని దయతొ ఆదరిస్తున్నావు ,
బాగు బాగు, కొండంత స్వామీ - మా శత కోటి వందనాలందుకోవయ్యా ;
విశ్వముల తండ్రీ, అనురూపవర్తీ - శ్రీపతీ, దశ అవతారమూర్తీ ; ||
============================== ,
agaNitammulu needu leelalu, hElalu ;
agaNitamulainaTTi prANi kOTlanu, swAmi ;
brOcu BAramu neepaina daalcinaawOyi ; ||
alanADu pAlkaDali cEraawu,
aadi kacCapi muurti ruupammu dhariyimci ;
amta baruwaina mamdaram girini alawOkagA -
Orimiki ruupamayi - nee weepupai nilipaawu ; ||
suudamTi kOrapayi nilipi -
wEdamula, widyalanu - kaapADinAwu ;
aadisuukara muurti, awataaramuurtee!
widyamTe neeku emta makkuwa swaami ;
widyalanu lOkamulakamdimcinaawu ;
eerEDu lOkamulaku amdimcinaawu ; ||
kaamadEwuni janaka, bhaktajana rakshakA!
kamTireppaku malle lOkamula brOcEwu ;
uddharimcuTa - neeku- mamci widhi ayyEnu, lessa lessa ; ||
padi maatramE maaku telisina ruupamulu ;
yugayugaalugaanu ennenni - awataaramulu daalci,
awadhi lEni dayato aadaristunnaawu ,
baagu baagu, komDamta swaamee - maa Sata kOTi wamdanaalamdukOwayyaa ;
wiSwamula tamDrI, anuruupawartee - Sreepatee, daSa awataaramUrtI ; ||
శుభకృత్ సుమ గీత మాలిక - 86 ; రచయి3 = కుసుమ ;;
& song - 85 ; రచయి3 = కుసుమ ; శుభకృత్ సుమ గీత మాలిక ; ;
prev = ▼ జులై (5) = మృదు హృదయిని రాధిక - 85 ;; అయ్యారె, తన్మయి - 84 ;;
కొండగాలి కొంటెతనము - 83 ;; నఖద్యుతుల కాంతులు - 82 ;; క్రిష్ణయ్య సంధ్యా వందనాలు - 81 ;;
కామెంట్‌లు లేవు:
కామెంట్‌ను పోస్ట్ చేయండి